វិធីសាស្រ្តនៃការសិក្សានៅផ្ទះ

វិធីសាស្រ្តនៃការសិក្សានៅផ្ទះ

បរិស្ថានជុំវិញ និងវិធីសាស្រ្តរបស់មនុស្សម្នាក់ៗ គឺសំខាន់សម្រាប់ផ្តោតអារម្មណ៍ក្នុងការសិក្សារៀនសូត្រឲ្យបានល្អ។

ពណ៌ និងពន្លឺ

ពណ៌ជុំវិញខ្លូនល្អបំផុតគឺ ខៀវខ្ចី បៃតងខ្ចី និងពណ៌ព្រឿងៗ និងត្រូវមានពន្លឺគ្រប់គ្រាន់​ក្នុងបន្ទប់ដែលត្រូវសិក្សា។ សាកល្បងប្តូរទីតាំងតុសិក្សាពីរទៅបីដងដើម្បីប្រៀបធៀបមួយណាល្អជាងគេក្នុងការផ្តោតអារម្មណ៍សិក្សា។

តុ​ និងសម្ភារ‌‌‍‌សិក្សា

មុននឹងចាប់ផ្តើមសិក្សាមុខវិជ្ជាណាមួយ ត្រូវប្រាកដថាសម្ភារៈសិក្សាត្រូវមានទាំងអស់នៅលើតុ រួមមាន សៀវភៅសរសេរ សៀវភៅព្រាង​ សៀវភៅពុម្ភ ប៊ិក ខ្មៅដៃ ជ័រលុប បន្ទាត់​ វចនានុក្រម។ល។ ទៅតាមមុខវិជ្ជា ដើម្បីកុំឲ្យមានការបង្អាក់ដំណើរការ​ និងការផ្តោតអារម្មណ៍សិក្សា ពេលភ្លេច និងទៅយកសម្ភារណាមួយនោះ។

ការពិតគ្រប់មុខវិជ្ជា និងពេលវេលាគឺសំខាន់ណាស់ដើម្បីឈានទៅដល់ភាពជោគជ័យ។​ ដូច្នេះត្រូវរៀបកាលវិភាគ និងតារាងកិច្ចការដែលត្រូវធ្វើ ឲ្យបានច្បាស់ប្រចាំថ្ងៃ។ មិនត្រូវខកខានកិច្ចការមួយណាឡើយ។ ត្រូវធ្វើកំណត់ហេតុចំណុចសំខាន់សម្រាប់រំលឹកនៅពេលក្រោយ ឬពេលភ្លេច។ គូសសំគាល់ដល់ចំណុច ដែលត្រូវបានរំខានពេលកំពុងសិក្សា ដូចជា៖ ភ្ញៀវមកលេង ទូរស័ព្ទរោទ៍។ល។

ការសម្រាក

មុននឹងបន្តទៅមុខវិជ្ជាបន្ទាប់មួយទៀត ល្អបំផុតគឹសម្រាក២០នាទី។ ជជែកគ្នាលេង មើលទេសភាព ស្តាប់បទចំរៀងដែលចូលចិត្ត ឬអាហារសម្រន់។ ហាមលេងGame មើលYoutube Facebookជាដើម ក្នុងកំឡុងពេលសម្រាក។

ត្រូវ​ប្រាកដថាបានគេងគ្រប់គ្រាន់នៅពេលយប់ គឺ៦ម៉ោងទៅ៨ម៉ោង អាស្រ័យតាមអាយុ។​នេះក៏ជាចំណែកមួយដើម្បីកាត់បន្ថយភាពតានតឹង អាប់អួរ អស់កម្លាំងនៅថ្ងៃថ្មី ពិសេសខួរក្បាល។